Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 2.134.4 | Hdt. 2.135.5 (English) | >>Hdt. 2.136.3 |
2.135.3 τῆς γὰρ τὴν δεκάτην τῶν χρημάτων ἰδέσθαι ἐστὶ ἔτι καὶ ἐς τόδε παντὶ τῷ βουλομένῳ , οὐδὲν δεῖ μεγάλα οἱ χρήματα ἀναθεῖναι . ἐπεθύμησε γὰρ Ῥοδῶπις μνημήιον ἑωυτῆς ἐν τῇ Ἑλλάδι καταλιπέσθαι , ποίημα ποιησαμένη τοῦτο τὸ μὴ τυγχάνοι ἄλλῳ ἐξευρημένον καὶ ἀνακείμενον ἐν ἱρῷ , τοῦτο ἀναθεῖναι ἐς Δελφοὺς μνημόσυνον ἑωυτῆς .
2.135.4 τῆς ὦν δεκάτης τῶν χρημάτων ποιησαμένη ὀβελοὺς βουπόρους πολλοὺς σιδηρέους , ὅσον ἐνεχώρεε ἡ δεκάτη οἱ , ἀπέπεμπε ἐς Δελφούς · οἳ καὶ νῦν ἔτι συννενέαται ὄπισθε μὲν τοῦ βωμοῦ τὸν Χῖοι ἀνέθεσαν , ἀντίον δὲ αὐτοῦ τοῦ νηοῦ .
2.135.5 φιλέουσι δέ κως ἐν τῇ Ναυκράτι ἐπαφρόδιτοι γίνεσθαι αἱ ἑταῖραι . τοῦτο μὲν γὰρ αὕτη , τῆς πέρι λέγεται ὅδε ὁ λόγος , οὕτω δή τι κλεινὴ ἐγένετο ὡς καὶ οἱ πάντες Ἕλληνες Ῥοδώπιος τὸ οὔνομα ἐξέμαθον · τοῦτο δὲ ὕστερον ταύτης , τῇ οὔνομα ἦν Ἀρχιδίκη , ἀοίδιμος ἀνὰ τὴν Ἑλλάδα ἐγένετο , ἧσσον δὲ τῆς ἑτέρης περιλεσχήνευτος .
2.135.6 Χάραξος δὲ ὡς λυσάμενος Ῥοδῶπιν ἀπενόστησε ἐς Μυτιλήνην , ἐν μέλεϊ Σαπφὼ πολλὰ κατεκερτόμησέ μιν .
ch. 136
2.136.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 2.134.4 | Hdt. 2.135.5 (English) | >>Hdt. 2.136.3 |